يبه شلونك (IMG:style_emoticons/default/icon_0004.png) (IMG:style_emoticons/default/icon_0004.png)

ملل هالكون من دونك

يبه شلونك ؟؟

وتمضي رحلة الدنيا بليا طلة عيونك

يبه شلونك ؟؟

وشلون المرض وياك ؟؟ بعد ماهدك بدنياك

عساها تغمض جفونك ؟؟

تبي تدري عن احبابك ؟؟ عن عيون تغنا بك

عن قلوب دفنها الشوق واذا جاها الغفا جابك

يبه امي تخيلك دوم تغني لك مع القمرا

يبه حنا غدينا كبار توفقنا وتخرجنا

يبه ماعاد فينا صغار

يموج بهالزمن كل شي وحنا ماتموجنا

على ذاك العهد نسري

نبيع العمر والدنيا ولا تخلف بنا ظنونك

يبه شلونك ؟؟

تبي تدري عن اخباري ؟؟ عن افكاري وتذكاري ؟؟

اشيلك داخلي جمره

وبعيون الحزن عبره تغرقني وتحرقني..

واحلم من معاني الحلم احسك مقبل بكرا

وياليته يجي بكرا!! ..

يبه تذكر زمان مر ؟؟ هو احلى ما بهذا العمر ..

يبه تذكر مجالسنا ؟ مآتمنا ومساجدنا؟

يبه تذكر هدايا العيد ؟ صلاة العيد؟ ولبس العيد؟

يبه تذكر سوالفنا ؟

يبه اتذكر اللعبة..وليلة الجُمعة والجمعة

يبه تذكر وناستنا وبسمة وجهي والفرحة

يبه شلون انسى كل هذا وتجيني اللوعة والحسرة

لاجل هذا وكل هذا اقول اليوم يابابا ..

ملل هالكون من دونك


ويرد الاب في لحده قائلا :

يابنتي يابعد عمري .. انا ودعت فادعي لي ..

عمر خلّص وأنهيته .. بقى عمرك يا بنتي ..

يابنتي يكفي اللوعة .. يابنتي تكفي العبره ..

يابنتي هذي الدنيا .. عسى ربي يسامحها ..

خذتني فجأة عنك .. وصوتك صار يصحبني ..

احبك موت وانا بالموت .. احبك يابعد سلواي ..

كتمت الحب في دنياي .. ولا اخبرت ياعمري ..

ولكن بعد ماراحوا .. تذكرتك على بالي ..

بغيت اطلع واركض لك .. ولكن ماقدرت اطلع ..

لقيت اصخور قدامي ..

ولكن انتي انفاسي .. بعد ماقطعت انفاسي ..

يابنتي لاتناسيني .. يابنتي لاتخليني ..

بدعواتك ودعواتك .. سلامي لك وكل البيت .. ترى والله احبه زود ..

نعم اذكر مجالسنا .. نعم اذكر سوالفنا ..

نعم اتذكر البسمات .. بعد اذكر تمازحنا ..

ذكرتي يوم تجيني البيت .. ومن الشباك اناديكي ..

وعند الباب احاكيك..واقولك من هو الطارق

ذكرتي ياامل دنياي ..

ضحكت وكنت مستانس .. لعبت وكنت سلواكم ..

وماظنيت في لحظه .. افارق وابتعد عنكم ..

نصيحة اسعدي عمرك .. ولا تبكين ارجوكي ..

وشوفي كل هالدنيا .. تراها ماتساوي شي ..

ألا ياليت ارجعها .. ولو ساعة واقول الله ..

واسبح واذكر الخالق .. واصلي عالنبي وآله ..

وابوسك بوسة موادع .. واطبعها بعالي الراس ..

سلم راسك وانفاسك ..

سلامي يابعد عمري ..

ولاتنسيني بالدعوة




م\\

كلمات دخلت قلوبنا

من قلم سطر حزنه

الباقي مدى الدهر

والشوق يحرق قلوبنا

ونحن لانملك غير الدعاء

لاحباب فارقونا

قصيده رائعه ومؤثرة ..

يعطيك الف عافيه و شاكرة لج الطرح الطيب ..

عساك عالقوه ..

يسلمووو اختي على الطرح...


تحياااتي لك..

فراشة فوشيه

اكليل الورد

ساري

سررت بمروركم الطيب

العنيد

سررت بمرورك الطيب
والله يعطيك ألف عافيه ع مرورك لمواضيعي

شكرا أخت وديمة

وخلاص