على طاري الفراق اللي ذبحني ..كيف جرحك؟! طاب؟!
لأني ما قدرت انسى ملامح كلمة : اشقى به
لاني من زمن انزف سؤال الناس والاصحاب:
تفارقتوا؟!!..غريبه ؟! كيف ما تبكي من غيابه
مع اني ممتلي في كل ضلع بداخلي منصاب
سوالف كلها تذبح حنيني شوف ….. (تتشابهه)
انا ما كنت ابي منك تبديني على الاقراب
انا كنت آتمنى ألتقي بفؤاد وابقى به

خطا مني فتحت الباب لكنك فتحت ابوااب
وضيّفت الوجع في صدري اللي كنت اولى به
تعرف المشكله لو هي على عضه تجي من ناب
ابوهب كل حسرات الندم فـ ابهام ..واسخى به
انا جيتك وباقي في حنايا طعنتك محراب
تصلي لك جروحي مْن الوله وتصيح : يا قلبه
حرام انعيش في نفس الزمن وقلوبنا اغراب
تعال وخل يقول البعد من غيضه : لقى احبابه ؟!
ترى تو اكتشفت المسأله .ماهي وش الاسباب؟!
لان ما يعني الميّت ؟!! اذا بيموت بثيابه