وجه الشبه بيـن المحبـه والعـداوه منعـدم

وناتج مزيج العنصرين اسمه مجامل او نفاق

كل فعل له ردت فعل والله خلقنـا مـن عـدم

يعني احاول امزج الافكار مـن غيـر اتفـاق

اضرب مثال وخلنا انغـوص بـه ميـة قـدم

حاول تركز والهدف معروف قبـل الانطـلاق

قولت جبان آخير من مات الشجاع المحتـدم

ويا بطولات العرب فيها مع الفكر اصطفـاق

لان الجبان يموت موتة كل جبانـن منهـزم

عمره يطول وخيبته تاتيه في اوسـع نطـاق

والحر لا منه نـوى يفعـل ولا عمـره نـدم

وشيل الحمول يشيلها ويطيق لو هي ماتطاق

من عاش مات وبعدها من مات فات ومنصرم

لا يرده الحارص ولا ايعجلـه كثـر التـلاق

يمكن يموت المستصح ويطول عيش المنسقم

يمكن نموت بحادثه او يمكن اثنـاء العنـاق

الذيب ما يهرول عبث والكلب يلهث من عـدم

ولا ينفعه فرخ النعام ان دس راسه في الطباق

والرابح اللي مريحن راسـه ولاهـو منحـرم

من هيعتن او فزعتن او كرمتن او من سبـاق

فرق الجبان المختبيء عن الشجاع المضطرم

لو ينمزج هالعنصرين مصيرهـن للافتـراق