كثير من البشر يسأل عن اسباب الحـزن فينـي!
وكثير من البشر وده يعرف بدنيتــــي وش صـار!
وعلام اللي يقابلني يشوف الدمـع فـي عينـي!
وانا توي صغير السن حزيـن وشـارد ومنــهـار!
انا بحكي بقول الحين عن اللي صار فـي سنينـي!
ولكن قبل لا اتكلم ابـــــــــــيكم تحكمـو يـا اخيـار!
تعالو واشهـدو يانـاس تعالـو طالـــــعـو فينـي!
تعالو شاهدوا جسمي غدى ناحل وعقلي طـار!
انا مانـي تـرى مدمـن ولا ضاعـت ملايينـي!
وربي يابشـر حالـي سبايـب وقتـي الغـدار!
تعالو واسمعوا منـي وش اسبـاب الحـزن فينـي!
وشنهي سبة دموعي وش اللـي بدنيتـي اسـرار!
(يتيمٍ) ايه انـا عايـش يتيـم محـدٍ يراعينــــي؛؛
ولحدٍ عني جاء يسـأل وحيـدٍ جالـسٍ بالـدار؛؛
(يتيـم)ٍ مافـي بالعالـم رحـومٍ جـاء يواسينـي؛؛
(يتيم)ٍ عايش بحسـره وضيقـه عيشتـي امـرار؛؛
(يتيمٍ) فـي نهـار العيـد محـد جانـي ينادينـي؛؛
يقول لي خذ حلاو العيد زمانٍ كنا فيـه صغـار؛؛
(يتيمٍ) صـاح ياموتـي رجيتـك رجـوه تجينـي؛؛
يومٍ استاذي قال بكره يجـون ابائكـم ياصغـار؛؛
شهادتكم تـرى بكـره وابوكـم لازم يجينـي؛؛
بسلمها انا بيده وشهـادة شكـر مـع ازهـار؛؛
وجاء بكره وجيت امشي ولحدٍ ماسـك ايدينـي؛؛
ومن أي طالب دخل ماسك بدين ابوه صرت اغار؛؛
وكنت الاول ولكـن دموعـي كانـت بعــــينـي؛؛
نزل دمعي وسط حفلٍ كبير وحاضرينـه كثـار؛؛
مقصر زادها الاستاذ مـا بـارك صـار يعزينـي؛؛
شهاده كانت بيدي احسهـا جمـرة مـن نـار؛؛
ترى هذا سبب واحد من اسباب الحـزن فينـي!
يكفي يابشـر ولا اكمـل وافشـي الاســـــرار؟
ابحكي عن سبب ثاني سبـب زاد الحـزن فينـي!
(حبيبٍ) مـت فـي حبـه ولكنّـه طلـــــــــــع غـدار!
انا رغم (اليتم) حبيـت عشقـت بكـل مافينـي!!
عشقت وكنت له وافي واذا اخطأ اجيب اعـذار!
انا حبيت لي شخـصٍ عشقتـه عشقـي لعينـي؛؛
وهو حبني واقسم لي بـرب المصحـف الجبـار؛؛
انا صدقـت حلفانـه وهقـــــــيت انه بيغليــــني
ومثل ماني احبـه مـوت توقعتـه يجينـي بـار؛؛
ولكـن خيّـب ضنونـي توقـــــعتـه بيحميـنـي؛؛
توقعته حبيبي يكـون ولكـن صاربـي غـدار؛؛
اثـاري كـان يتسلـى ووقتـه يضيــــــــعـه فينـي؛؛
وانا اللي أحّسبه يحبني واحسبه حاط لـي مقـدار؛؛
قطع في طعنته اخـر عـروق الفرحـه بسنينـي؛؛
وزاد الحزن فـي قلبـي وخلانـي اعيـش بنـــار؛؛
خدعنـي ونيتـه ينهـي حياتـي وده ينهيـنـي؛؛
وعجزت اخذ بثاري منه حبيبي كيف اباخذ ثـار!
ومع غـدره وطعناتـه غرامـه ساكـنٍ فينـــي؛؛
ولا ظني انا بنساه لـو اتعالـج بوسـط شهـار؛؛
عرفتو يابشر هالحيـن ليـه الدمـع فـي عينـي؟!
عذرتوني على جسمي عذرتو عقلي اللـي طـار؟!
بالله يابشـر تكفــــــــــــون اذا منكـم يلاقينـي؛؛
لايسألني وش الباقي من اللـي بدنيتـي اسـرار؟!
لاني لو انـا بحـــــــــكـي جميـع اللـي انـا فينـي!
ياناس عقولكم والله بتلـــــــحق عقلـي اللـي طـار!

منقول

السلام عليكم ورحمة الله وبركاته


قصيدة مؤثرة ورائعة

يسلمو يمناك على النقل

يعطيك الله الف عافية


تحياتى اخوي العزيز الجابرى وبس

هلالية

قصيدة رائعـــه ومؤثره


وبـــــــالتــــــــــوفــيـــــق .....

رائعة جدا القصيدة ..

مشكووور اخوووي الجابري..


تحياااتي لك..

قصيدة رائعة
لاني لو انـا بحـــــــــكـي جميـع اللـي انـا فينـي!
ياناس عقولكم والله بتلـــــــحق عقلـي اللـي طـار!

صدق الشاعر ياما في هذه الدنيا من مصائب

مشكور أخوي الجابري وبس

قصيده مؤثرة و كلمات صادقه ..

في شي شخص بالدنيا ما عنده هموم بحياته !!

يعطيك الف عافيه .. طرح رائع و اختيار موفق ,,

الف شكر ..

مراحب

كلمات لامست القلب وطربت لها الاذن

تعابير رقبقه وكلمات عذبه .......


سلمت اناملك على النقل الجميل


بانتظار الجديد ........