الموت مره لاكن ان خفت مرات

--------------------------------------------------------------------------------

يالله يالـي فـوق سبـع السـمـاوات=تفرج لحـال الـي عصتـه الليالـي
سايرتهـا بسكـات بسكـات بسكـات=واقـول بكـره يصلـح الله حالـي
ماودي اشكي عنـد عـاذل وشمـات=ولابي علي النـاس تلقـى مجالـي
اقضي طـوال الليـل نـوح ٍوونـات=والناس ماتدري عـن الـي جرالـي
صبـرت واستبدلـت قولـي تنهـات=وتسابقـن دمعـات عينـي توالـي
عليـك ياحلـم ٍاشوفـه ولا مــات=رغم الحضوض النـادرات القلالـي
لك الذي مـا تختلـف فيـه هقـوات=ماتختلـف هقـوة رفيـق ٍعنـالـي
لا والله اثبت والحـق القـول باثبـات=والقول ما يثبـت عـزوم الرجالـي
لا والله الى الفعـل والفعـل بالـذات=محد ٍيقـول المـر يانـاس حالـي
للطيـب درب وللرخامـه متـاهـات=ويالي بغيت الطيـب اسمـع مقالـي
صـل الصـلاة واد كـل العبـادات=واسجد لوجـه الله عزيـز الجلالـي
وللوالديـن حقـوق ذكـرت بالايـات=ياجب عليك اصغـاااء ثـم امتثالـي
ثـم عقبهـا لاتلحـق النـاس نمـات=اوزن كلامك يرفعـك فـوق عالـي
ترى لسان الشخص للشخـص مرئـاة=ان اعتدل عدلـت وان ملـت مالـي
واحرص على وقتك ترى الوقت لافات=تنـدم علـى فوتـه ليـال ٍطوالـي
لاصار مـا شيـد شبابـك بنايـات=لاصرت شايب ما بنيـت العوالـي
شيدلك من الطيب قصـر وعمـارات=تذكربها لاصـرت تحـت الرمالـي
اسمع كلام الناس وانضـر للامـوات=واختر لنفسـك مـا تريـده يقالـي
واحذر ترى للنفس رغبـه وشهـوات=ان طعتها راحـت عليـك المعالـي
طرد الهـوى ذلـه ولافيـه شكـات=يامـا تنـزل مـن (سبايبَه)عالـي
ولا تلحقك من قلـة الحـال ضيقـات=خلك على ماقال( صـدرك شمالـي)
اضربهـا واحـذر تطيـح بمغبـات=ولا تنفتن نفسـك بطـرد الريالـي
واعرف ترى غال الكنوز القناعـات=من فاز فيها فـاز والفـوز غالـي
ولا تخـوَف مـن نهايـة بـدايـات=خلك على كـل الامـور ارتجالـي
الخوف يرمـي صاحبـه فالهزيـلات=ويثنيه عن كسب الامـور الجزالـي
الموت مره لاكـن ان خفـت مـرات=والله مـا تمشـي حياتـك عدالـي
خالط جميع النـاس كـون علاقـات=لا تجلس لحالـك تصيـر انعزالـي
لاكن بنفس الوقت ياصـاح هيهاتـت=مشي بهواك الناس في كـل حالـي
فالناس طيب واكثـر النـاس عيَـات=رافق هل الطـولات خـل الثعالـي
والجـار كثـر جيتـه والـزيـارات=سيَر ترى الدنيـى سريعـة زوالـي
فنجال بن وعود ٍ ازرق وضحكاتـت=شيـل هـم الـي همومـه ثقـالـي
مافـات فـات وماهـو اتــي ٍ آت=اسمـع كلامـي وافهمـه للتـوالـي
رتب حياتـك حـط الـك اولويـات=وخطوط حمرى واضحات ٍ جلالـي
الدين لا ترضى على الديـن خمـلات=هاك الكـلام الـي يهـز الجبالـي
والله ما ترضى عليـك الولايـااااات=اليـن تتبـع درب ذيـك المـلالـي
جاهد عـدو الله فـي كـل الاوقـات=بالحـال ولا المـال ولا العيـالـي
ثـم الوطـن احيـان تاتيـه حـزات=تبـي رجال(ن)يحملـون الحمالـي
وقـف بعـزة نفـس قلـه سلامـات=يالمعتدي فالعقل جـاك اختلالـي؟؟
ثم اقطع الرجعه وقـل جيـت مـوات=والله مـا تفـرح بيـوم احتـلالـي
هاذي لأهل الطيـب مثـل العلامـات=نضمت فيهـا كـل كـار ٍ طرالـي
وللطيـب درب وللرخامـه متاهـات=ويالي بغيت الطيـب طبـق مقالـي
=الشاعـر نايـف بـن عرويـل==