صــــــــدمــــات
ياصاحبي وش عاد لاصرت مجروح
والجرح منك زيد الجرح بجراح
مذبوح قلبي منك من قلب مذبوح
وسهم الغدر منك بالأمس ذبّاح
وين الوفا قلتها بصوت مبحوح
وأقرب الناس طعن قلبي وراح
سمعت قلبي بأذني يوّن وينوح
صحيح ماأبكي بس داخلي صياح
القلب ممتلي من الدنيا جروح
وفي طعنتك فاضت عليه الجراح
أضحك مع العالم بوجهً سموح
والكل يحسب أني بدنيتي مرتاح
وفي واقعي صدمات وآلام وجروح
وفي واقعي حزن وكآبه وكفاح
وفي هالزمن لاصار الباب مفتوح
صعبً أرده وأنا ضدي رياح
الشاعر حمد الحميدي
ياصاحبي وش عاد لاصرت مجروح
والجرح منك زيد الجرح بجراح
مذبوح قلبي منك من قلب مذبوح
وسهم الغدر منك بالأمس ذبّاح
وين الوفا قلتها بصوت مبحوح
وأقرب الناس طعن قلبي وراح
سمعت قلبي بأذني يوّن وينوح
صحيح ماأبكي بس داخلي صياح
القلب ممتلي من الدنيا جروح
وفي طعنتك فاضت عليه الجراح
أضحك مع العالم بوجهً سموح
والكل يحسب أني بدنيتي مرتاح
وفي واقعي صدمات وآلام وجروح
وفي واقعي حزن وكآبه وكفاح
وفي هالزمن لاصار الباب مفتوح
صعبً أرده وأنا ضدي رياح
الشاعر حمد الحميدي
